Scotland’s for me

TV Licencing in the UK (Update)

Posted in Wunnen by Thorben on 30 March 09
En typescht Beispill fir e Bréif vun der BBC

En typescht Beispill fir e Bréif vun der BBC

Hei a Groussbritannien muss een fir d’BBC Gebühren bezuelen. Ech hu keng Tele, dofir ass dat fir mech kee Problem. Ech hun hinnen vum TV Licencing ugeruff an gesot ech hätt keng. Si soten dat wier sou gudd. Trotzdem krut ech emmer rem Bréifer, ech misst se bezuelen. Déi Bréifer sin emmer an engem extrem agressiven Toun geschriwwen. Enner aanerem gett do gesot, dat meng Wunneng ënner Ennersichung géing stoen, dat se mech géingen besichen kommen an sou weider. Obwuel ech hinnen – wéi gesot – nom éischten Bréif bescheed gesot hun, dat ech keng Telé hun. Haut krut ech dann e Bréif, wou drasteet si hätten probéiert mech ze kontaktéiren (wat wouer ass) an ech hätt net ugeruff (wat gelunn ass). Dofir schécken se mer elo Informatiounen, wéi ech mech verhaalen soll, wann ech verfollegt gin. Déi Tipps sin:

  • ech kréien (evtl) mäin Datum fir bei d’Geriicht. Dat soll ech net vergiessen
  • ech muss net bei menger (eventueller) Verhandlung dobäi sin
  • Ech dierf mech selwer verteidegen, kann awer och en Affekot huelen
  • Ech soll am beschten 20 Minutten virun menger Verhandlung do sin
  • Ech ka meng Stroof an e puer Bezuelungen oofzuelen

Ech wees zwar dat dee Bréif rem nemmen soll Aschüchterung sin. Mee awer. Do ass mir dann de Kolli geplatzt an ech hun hinnen e Bréif geschriwwen. Mol kucken ob se sech mellen.

Dear TV Licencing,

hereby I confirm the reception of your letter from March 2009, reference 3245331008STU. I have called your colleagues last year (after October) to confirm that I do not own a TV nor watch programmes as they are being broadcast. However you kept harassing me with letters telling me I was under investigation. There is no trouble with investigating, because you won’t find a TV or a laptop connected to a TV receiver. Therefore I would like to invite you, over a cup of tea, to check this for yourself instead of wasting valuable paper. I would also like to inform you that in our flat there are no rooms E, F, G or H, so please stop harassing those nonexistent people.
I understand that your main goal is to generate money for the BBC and other national broadcasting stations. As I watch some BBC shows on iPlayer AFTER they were broadcasted (which – in accordance to your website – is legal without a licence) I know that the BBC is a very high quality programme. So I recognize that your mission to collect money for this fine British institution is a very noble one and I respect you for doing this.
However, as I informed your colleagues, I do not apply for a license. I am among those people who do generally not watch TV. Therefore I find your behaviour unacceptable as your letters are polite but in a very aggressive tone. Stating that I was not replying to your letters is a lie and as you happen to send letters every once in a while, while I was assured that you’ve got my response via phone, it leaves no doubt that this is not an error from your side. As a result, I would like to ask you very politely to go to hell and fuck yourself.
If you have any questions, do not hesitate to contact me or send your officers to settle this problem in person.
Yours faithfully
Thorben Grosser
The legal occupier of room A
Flat 1-1, Room A
Block H Student Village

Update 31 Mäerz: Ech krut grad eng eMail vun de Jongen. Entweder sin se sauprofessionnell oder se hu meng Mail net gelies

Dear Mr Grosser

Thank you for telling us you don?t need a TV Licence.

To prevent unnecessary reminders being sent we have now changed the process regarding homes where a set is not in use.  Within the next few weeks you will receive another letter.  This asks you to reply only if a set has been installed or a licence purchased.

As no licence is required, as a set is not in use, then you do not need to reply.  In due course one of our Visiting Officers will call on you and confirm the situation.  Once confirmed, we will update our records accordingly.  This will protect your address from letters, for a longer period than would normally be set at an address, as it has been confirmed that a set is not in use.

Some unscrupulous people will use this particular action as a form of evasion. I am sure you will appreciate, we have a responsibility to the Licensing Authority and the licence holding public to be certain of the licensing requirements for each address hence the instigation of the new process.

I hope the information above clarifies the situation.

Yours sincerely

Cleo Hines
TV Licensing

Wer wohnt denn da?

Posted in Wunnen by Thorben on 22 March 09

Google StreetView ass elo och a Schottland ukomm. Zum Beispill hei an hei.

Fear and loathing in Musselburgh/Newcraighall/Niddry

Posted in Liewen by Thorben on 7 March 09

Eis Uni bidd säit neistem e Service wou ee gratis Velo’en ka léinen. Well ech immens gären Velo fueren, an säit iwwert engem Joer nemmi sin, hun ech mer e Velo geholl. Ziel: Edinburgh, ca 10km.
Vu menger Uni ob d’Strooss. No 100m ass mer agefall, dat ech a Groussbritannien wier – ech wor mer awer nemmi sécher ob ech ob der richteger Stroossensäit wier. Panesch hun ech main Handy aus der Täsch gezunn a menger Schwester ugeruff. Hat ass den Checker bei sou Saachen. Hat huet mer dann gesot ech misst lénks fueren – ech haat intuitiv richteg getippt.
No engem kuerzen Stéck Stroos goung et dun ob d’Velospist, wou lénks a riets zwar och relevant woren, mee e Feeler net grad sou fatal wier. Et wor waarm an sonneg, aal Koppelen woren spadséiren, kleng Kanner mam Velo ennerwee an Meedercher hun hier Poussette ausprobéiert an wahrscheinlech verflucht dat am briteschen Schoulsytem – ausser et hellt een d’Wahlfach Bio – keng Obklärung viirgesin ass (an dat ass net gelunn).

Um Enn vum Veloswee sin ech u klengen Kanner laaschtgefuer, véier oder fënnef Joer all, déi sech enner Beobsiichtegung vun Erwuessenen gestouss a geschloen hun an séch Kosenimm wéi “Fucker”, “Cunt” oder “Twat” gin hun, an dat hun ech alles héiren an deenen 5 Sekonnen wou ech déi Kanner konnt héiren. Weider ass de Veloswee gaangen un Felder wou verrotten Autoen an Scooteren stoungen, mee d’Sonn an dat gudd Wierder hun dat schéin ausgesin gelos.

Spéider sin ech duerch eng Wunnsiedlung gefuer. Dee Moment ass mir et äiskaal iwwert de Réck gelaaf: Aus engem aalen raschtegen Lautsprecher ass déi schrill Melodie vun engem Kannerlidd komm – sou wéi dei heiten. Hei gin et wéi an amerikaneschen Filmer sou “Ice Cream Vans”, Autoen wou Glace verkaaf gëtt. An Stephen King Romaner géingen do och Kanner gefriess gin.  Zu Glasgow gouf et virun 15 Joer den “Ice Cream Truck War”. Fréier an haut sin zu Glasgow déi Ice Cream Trucks Emschlaagplaatz fir Drogen gewiecht, wat och erklärt firwat am déifsten Wanter em 11 Auer Owes beim Fede virun der Buud heiansdo soueen laaschtfiert. Méi dozou hei. Oballenfall kennt eben bei déi Tatsaach, dass een sech viirstellt dass do Kanner géingen gefriess gin, déi kriminell Komponent dobai, wat Ice Cream Trucks zu enger zimmlech onheemlecher Ugeleegenheet mecht.

Ech sollt awer net laang drun denken, well sech viru mir e riesegen Rottweiler obgebaut huet a mech ugebillt huet. Ech hun en einfach emfuer, do wor et gudd. Seng Sabberspuer wor nach 500m – pardon, 546 yards – dono ze gesin, bis ech rem oofgelenkt gouf vun…engem aaneren Ice Cream Truck. Em deen stoungen kleng Kanner déi drob gespaut hun, mam Fouss dra gerannt hun an dem Glacenverkeefer Drohgebärden gemaach hun. Oh mei.

Méi spéid hun ech missen emgefaalen Akaafsween emfueren, an dräi kleng Kanner hun mat hieren Plastiksgewierer (ech hoffen se waren aus Plastik) ob mech gezielt – charming welcome. Et woren nemmen nach 5 Meilen bis ob Edinburgh an ech wor lo am déifsten Slum vun der Staad. Iergendwann wor do sou e klengen Hond un deem ech laaschtgefuer sin deen do mat sengen Herrchen – zwee circa 12 Joer aalen, roudhoeregen Fleeschbäll – ennerwee wor. Bis en mir noogelaaf ass an mer wollt an d’Box bäissen. Dat Béischt ass awer just mat de Patten widdert meng Box komm a glécklecherweis net an d’Speechen vum Velo, soss wier en doud gewiecht. An ech wuel als nächsten. Mam Messer am Bauch (beim Fede am Studentenwohnheim goufen virun e puer Wochen 2 Studenten an enger Messerpickerei schwéier verletzt).

Ech sin schließlech iwwert en aalen Zuchwee – The Innocent Railway – gefuer wou d’Leit rem méi normal gi sin. E Stéck duerch Edinburgh, ennen laascht Our Dynamic Earth (E Musee iwwert d’Entstehung vun der Welt, d’Edinburgh Creation Societey seet, si hätten och en Kreatiounsmusée verdengt), de Palais vun der Queen iwwert den wonnerschéinen Cannongate bis rob ob d’Gare.

Fir heem hun ech den Zuch geholl.

A propos schwanger…

Posted in Mënschen by Thorben on 27 February 09

Just kuerz: A Schottland ass alles gudd.

An de leschten Wochen ass e Bericht duerch d’Medien gaangen – an dat och an Europa (jo, Groussbritannien ass net Europa) –  wou eng 15-jähreg schwanger ass, an dräi 13-jähreger behapten si wieren de Papp.

De Guardian – offiziellt Pianocktail-Liebligsblaad – huet haut gesot, wat ech mer scho lang geduecht hun: Jo an? Kee versteet firwat dat sou obgebauscht gouf: och wann d’Zuelen säit 1998 drastesch roofgaangen sin, sin hei nach emmer eent vun 25 Meedercher ennert 18 Joer Mamm. An Stied wéi Hull oder London suguer eent vun 10.

ASDA on a Saturday afternoon, 5pm

Posted in Liewen by Thorben on 27 January 09

ASDA ass dee gréissten Supermarché bei eis an der Géigend, wahrscheinlech méi grouss wéi den Auchan an 24/7 op.
Samstes Mëttes am ASDA ass den Horror. Mammen wou 6 Kanner ronderemlaafen an alles aus de Regaler rappen, Rentner déi schaffen mussen well hier Pensioun net duergeet an 16-jähreger mat ronnem Bauch an dem genervtenen – mee fir de ronne Bauch responsablen – Frënd un der Hand.
Welcome to lower-class britain.
A matzen dran ech.

Applaus…

Posted in Liewen by Thorben on 10 January 09

…am Fliiger ass jo uséch eppes wat just primitiv Unterschichtlingen nach man. Haut am Fluch ob Edinburgh koum et dun awer zu folgender Szene:

Duerchsoo vun Steward: Aufgrund der wirtschaftlichen Lage sind die Preise in unsrem RyanAir Bordmagazin nicht mehr aktuell. Wir bitten Sie daher, ein Pfund mit einem Euro umzurechnen.

Wéi do de Fliiger applaudéiert huet, konnt ech net anecht wéi matman.

Guess who’s back.

Wanterpaus

Posted in Liewen by Chris Pesch on 19 December 08

Hei gëtt et bis op Weideres näicht ze liesen.

Iech alleguer wënschen ech e schéint Hannukah!

Langweil a Grënn zum Feieren

Posted in Liewen, Schoul by Chris Pesch on 16 December 08

Haut ass also mäin 21. Gebuertsdag. Wéi fillt een sech mat 21? Net vill anescht wéi mat 20. Vrun 2-3 Wochen hat ech eeschthaft eng Kéier gemengt ech wier réicht 19. Dat Dommt ass: mäi Gebuertsdag fällt dest Joer an d”Examenszäit a sou muss ech reng theoretesch nach fir mäi läschten English Language Examen iwwermuer léiren, mee am Fong sinn ech fäerdeg domadder.

Dat erlaabt mer also mech vill ze langweilen. Sou hunn ech mech gëschter sou fuerchtbar gelangweilt, dass ech mech bei der SLSB ugemellt hunn, eppes wat ech bis well carrément ofgeleent hunn. Bon, ‘t ass well geschitt, a méng 7€ hunn ech och schon iwwerwisen. Haut sinn ech dunn mam Nic seng Chrëschtdagsakeef man an ech däerf souvill verroden: séng Famill kann sech op exquisit Cadeauen freen. À propos Cadeauen: fir mäi Gebuertsdag krut ech vu ménge Matbewunner Bongotrommelen, domadder kann ech méng backing vocals bei de Calypso 4 lo och mat engem Instrument begleeden. Yes.

Schaffe goen (II) an: Wien am Glasshouse setzt sollt net mat Telleren geheien oder: My American Dream

Posted in Liewen by Thorben on 10 December 08

(Ech hun a mengem Events Essay en A+ (81%) an sin domat deen éischten Student vu menger Uni dien dat a sengem éischten Essay an Events management gepackt huet. Juchheissassa!)

Nodems mäin Chef a mengem 2ten Viirstellungsgespréich mam Satz “Before we start, I’d like to tell you that you’ve got the job” ugefangen huet, hun ech dann gewaard dat eppes géing geschéien.

Donneschtes Owes, während ech u mengem zweeten Essay geschriwwen hun, huet main Handy geschellt: “Hi, it’s Julie from the Glasshouse. You wanna work tonight or tomorrow or both?” “Both are fine!” “Well, see you at 10 at the Glasshouse”.

Freides: 22:00 Auer – ukommen am Glasshouse. An enger Baustell soll muer den Owend d’Aweihung stattfannen. Bis dohinner soll et awer keng Baustell méi sin. D’Kichengeräter stin na agepakt, d’Luten gi net, et ass kee Waasser do, dofir musse mer d’Geschier riwwer an de Restaurant droen. 100 Teller wäschen, 200 kleng Läffelen an 200 Messeren vun Hand poléiren. Well mer dee falschen Produit fir d’Läffelen haten hu mer se nach eng Kéier misse man Zesummen mat 2 Inder an engem Thailänner – déi iergendwéi alleguerten Ali heeschen.
01:00 Auer: Saachen gepaakt, heem.
02:00 Auer: ageschlof.

Samstes, 8:30 Auer: Wecker, obstoen, raséiren, fäerdegman. Moiesiessen iwwersprongen, ech géing dat nach bereihen.
10:00 Auer: Ech gin dem Bruce ennerstalt. Mir hun 2 Frigoen an sollen Uerdnung rabrengen. All d’Gedrénks rausdroen an rem randroen. Sou einfach. Dat geet an d’Äerm.
12:00 Auer: D’Frigoen si fäerdeg an bis ennert de Plafong voll. Eisen Chef ass houfreg ob eis, mir fäerdeg. E seet him wier agefall si wéilten am Frigo en Safe verstoppen. Kee Problem, mir raumen de Frigo rem aus, placéiren den Safe an raumen de Frigo rem an.
13:15 Auer: Mettespaus. Riwwer bei Tesco gejoggt an mir eng Coke Zero kaaft. Eppes aaneres haten se nemmi.
13:40 Auer: 2 Kleng Frigoen mussen e Stackwierk robgeschleeft gin. De Bruce an ech kemmeren eis drems. Ech hun Honger. Meng Been din wéi.
14:00 Auer: Ech gin mat engem aaneren Inder (Ali) un d’Wierk, mir musse spullen, ob 2 Spullmaschinnen gläichzäiteg, déi drett ass futti. D’Kichen ass nach emmer net fäerdeg, mee d’Käch kennen kachen an mir spullen: 200 Forchetten, 200 grouss Läffelen, 200 Kaffisläffelen, 200 kleng Forchetten, 200 Coctailglieser, 200 Wäisswainglieser, 200 Roudwainglieser, 200 Longdrinkglieser, 200 Waasserglieser, 200 Taassen, 200 Ennertaasen, 50 Zockerdousen, 50 Salzstreer, 50 Pefferstreer, 200 Pint-Glieser. Géint enn vu menger Schicht mengt nach eng Kéier een, mir braichten nach 100 Coctailglieser, ausserdem hu mer déi 50 Waasserkréi vergiess. Mee dat fällt bei 2650 Stecker Besteck net ob.
17:00 Auer: Team debriefing an briefing fir d’Nuetsschicht déi lo kennt an virdrun de Sall dekoréiert hat, d’Handwierker sin nach am Hannergrond amgaang mat schaffen. “Taban (dat soll Thorben sin), you’ve done a great job together with Ali. I know you’re here since 10, but would you like to help in the kitchen tonight”. Ech wellegen an.
18:00 Auer: Bis elo hu mer nach geraumt an alles perfekt gemaach fir den Owend. Et gesäit genial dobannen aus. An der Kichen richt et gudd, wat mech frustréiert, well ech säit 9 Auer um Virdaag näischt méi giess hun.
18:30 Auer: Final Briefing. Jhiddereen kritt eng Schossel Curry an de Grapp gedréckt fir sech ze stäerken. An genee hei lait d’Stäerkt a mengem Job: Luxus-Käch déi fir sech selwer kachen, kachen vill besser. De Chefkach, deen e Kostüm unhuet, kuckt säit 20 Minutten dem Dampfgarer noo, wéi en sech selwer propper mecht. Soss huet deen haut nach näischt gemaa. Dach, en huet seng eMailen gelies.
18:40 Auer: Eist Owesiessen gett ennerbrach well déi éischt Gäscht 20 Minutten ze fréi do sin.
19:50 Auer: Bis ob e puer Glieser ass net vill rakomm, mir hun e gemittlechen Schafftempo an der Spull, mee elo geet grad d’Entree raus. Langoustinen mat Zalot.
20:05 Auer: Mat engem Schlaag kommen 100 Servicer ran. Ech stin zum Gang hin, huelen d’Telleren oof, geheien d’Iessen wech, stellen d’Telleren an d’Keschten während den Ali d’Saachen oofduscht an an d’Spullmaschin schéckt. Mir hun elo nemmen nach eng Spullmaschin well mer wéinst Iessensreschter lo eng Glieserspullmaschin an eng Tellerspullmaschin hun. Iwwer dems kennt lo och de Schmorri vun de Käch mat fir propper ze man.
8:45 Auer: No 25 Minutten si mer der Situatioun Meeschter, mee säit 20 Minutten ass den Haaptplat, Fesch an Speck mat iergendeppes, dobaussen. Ee vun de Käch stellt eis en Iessen fir eis dohinner, ech gin eng Forchette fir mech sichen, just an deem Moment gesin ech eis éischt 2 Serveusen mat den Telleren kommen. Keen Iessen elo. Rem déi selwecht Obdeelung a rem packen mir et an 20 Minutten mam ganzen Geschier duerchzesin.
9:10 Auer: Den Dessert ass raus, mir spullen nach e bessen. Et kommen abeemol Wäinglieser an den Ali hällt abeemol ob ze schaffen. Oder bal. An mecht net méi vill. Ech Iessen séier 3 Desserten, waarm Schokelasuebsttaart mat Vanill-Rum Zooss. Während sech d’Glieser an d’Besteck stapelen dreemt den Ali an der Géigend rem.
10:00 Auer: Mir hun verluer. Dobaussen ass zwar alles perfekt gaang, mee mir setzen ob engem riesegen Stapel vu Glieser an Telleren an Kaffiskaanen an Téikaanen an sou weider. Mir spullen, während 2 aaner Inder (dei emmer nemmen indesch mateneen schwätzen, déi sin esou onhéiflech) d’Glieser poléiren, an rem 2 anerer Besteck poléiren.
10:30 Auer: D’Julie kennt bei mech “bass du nach emmer hei?”
11:00 Auer: De Mark, mäi Chef, kennt bei mech “Bass du nach emmer hei? Gudd, dohannen sin 50 Kartonen, déi muse klenggemaa gin an fortgehäit gin!”
11:20 Auer: D’Julie “Maach dech fäerdeg!” Ech: “Ech man just nach dat heiten fäerdeg, da gin ech”
11:30 Auer: De Mark, main aneren Chef, du bass elo säit 10 Auer hei, wanns de wells goen, da géi.
11:45 Auer: D’Julie: Thorben, wanns du elo net gees, dann froen ech de Mark fir dats de kanns goen. Ech: Nee, mir geet et gudd.
0:05 Auer: D’Julie: Thorben, du dierfs goen. Géi.
Ech paaken meng Saachen. Zwee mol 2650 Stecker Besteck gewäscht, dat sin 5300 Stecker Besteck. Wéi ech rausgin steet abeemol déi ganz Ekipp do an applaudéiert mir fir meng 14-Stonnen-Schicht. Meng Been din esou wéi, dat ech bal 40 Minutten (amplatz 20) fir heembrauch.

Den Job gefällt mer immens, well en oofwiesslungsräich ass, vielsäiteg an fuerdernd. Och wann et just Zervéiren an Tellerwäschen ass. Mee awer. Meng Chefs sin immens fein an d’Iessen am Glasshouse genial. 14-Stonnen-Schichten haalen mech do och net oof, ech haat am Summer mol eng 43-Stonnen-Schicht (awer eng Stonn Schlof). An als Tellerwäscher ufänken ass dach d’Definitioun vum American dream…

Ech hun vu menger Mamm – déi sech bekanntlech mam Chris senger Mamm muss em d’Plaatz als “Bescht Fraa vun der Welt” streiden – en Adventskalenner kritt. Meng Mamm ass aus Flensbuerg, an an Norddäitschland/Skandinavien ass e Stoffkallener üblech un diem kleng Cado’en festgemaach gin. Desst Joer hat ech bis elo haptsächlech Knorr Fix an Téi an Schokela, allkéiers mat enger klenger Note vu menger Mamm dobai. Hach🙂 wat hun ech mech gefreet. Domat gi meng Posts an d’Wanterpaus.

Kleeschen

Posted in Liewen by Chris Pesch on 6 December 08

Haut hunn ech en Ziedel fonnt, dass gëscht e giele Päckelche fir mech ukomm wier…
Wéi e komm ass, war ech grad eng véirels Stonn aus dem Haus fir Chrëschtdagscadeauen akafen ze gon.
Lo kënnt e réicht en Dënschdeg.

😦