Freideg Owend

Et ass Freides Owes, an ech ginn net raus, well ech brav sinn a léiren. (Gutt, am Moment net, an o net wéi ech virdrun den Artikel op Pianocktail geschriwwen hunn, mee egal.)

Gëschter war méng läscht Virliesung vum Joer, viru mer leien well d’Examen. Déi sinn en Donneschdeg, e Freideg an den Donneschdeg, déi Woch drop. Dat heescht ech si leider net fir mäi Gebuertsdag doheem, vu dass ech mäin English Language Examen o net sause losse kann.

Haut an zwou Woche kommen ech dann heem. Soss eppes interessantes? Jo kloer! Haut war ech Cadeaue fir Krëschtdag akafen, a méng Hoer hunn ech nach ëmmer net schneide geloss. An engem Ufall vun Idiotie hunn ech och decidéiert mech mol net méi ze raséiren an der Hoffnung, dass et net ze lächerlech ausgesäit an ech bannent enger Woch eppes gewuess hunn, wat sech Baart nenne loosse kéint.

Jo, et fillt een sech heinsdo alleng.

WOW

Dat ass an deem Fall net d’Ofkierzung vu “World of Warcraft”, mee dat eenzegt Wuert wat op méngem Philosophie Essay stoung. Bäm be Bäm.

A2.

Glasgow / Edinburgh

De Grommel huet mech animoto-süchteg gema.

Assemblée générale

Den Owend ass Assemblée générale vun der Pianocktail S.A. bei mir.
All Actionnaire ass herzlechst agelueden, dem Comité (Thorben, Nic, an ech), treie Memberen (Fede) an anere Leit dobäi nokucken ze kommen, wéi se den deiersten Beujolais Nouveau op der Welt drénken, dee leider zur gläichen Zäit den eenzegen zu Glasgow war.

Hannerhälteg Coursen

Et ass jo ganz fein, dass se dat online geännert hunn. Mee déi, déi den éischten Dag wéi den neie Stonneplang rauswar all hir Coursen am Kalenner agedron hunn (wéi ech), souzen awer de Moien am LT. Dat heescht méng Stonn méi laang am Bett leien op déi ech mech muer gefreet hat, ass futsch.

Et wier jo och ze einfach fir eng E-Mail rauszeschécken, dass een do e Feeler gemaach huet. D’Iddi ass jo eist hypermodernt Uni-Netzwierk Moodle op mannst eemol den Dag ze checken. Mee stelle mer eis dat lo mol sou vir: en Dokter huet e Rendez-vous mat engem Patient, mee muss e récklen: wat mecht en? Hängt en eng Note op viru sénger Dir, op däer steet, dass den RDV geännert huet? De Patient wäert dat jo wuel checke kommen. Oder rifft en dem Patient un fir em ze soen, dass sech eppes geännert huet?

Schéin nei Welt. Vive de Fortschrëtt.

[UPDATE]:

Wéi wann iergendeen gelies hätt, wéi ech mech hei iwwert dat eent Department opreegen, reagéiert mäi Lieblingsdepartment prompt:

Dear Level 2 students

The Level 2 English Language lecture today, Tuesday 25 November 2008, has had to be CANCELLED due to illness.

We apologise for any inconvenience.

Per E-Mail. Lo just fonnt.

Rot emol…

… wéi d’Sexual Health at Glasgow Week vun eisem Student’s Representative Council (SRC) sech ofkierzt? Na?

Kuerz gemellt

Ech wees, ech wees.
Ech vernoléissegen mäi Blog an der Läscht extrem, an jiddereen wëll jo awer héiren wéi et mir geet. Just, et ass net sou vill lass, fir éierlech ze sinn an et geschitt wierklech näicht wat der Ried wäert wier.

Mee probéire mer kuerz en Iwwerbléck ze ginn, wat d’Highlights vun de läschte Wochen waren. Nodeem ech fir Allerhellgen kuerz heem gejett war, hunn ech hei dunn u méngem Essay iwwer Heretics an Don Juan an Angels in America geschafft, deen ech läscht Woch ofginn hunn. Fir dat ze feieren, sinn den Nic, Fede an ech bei d’Soffy op Edinbrrrraaa gefuer. Dat war en exzellente kuerzen Trip. Ouni Zweifel.

Dës Woch hunn ech mech dunn mat enger CD (Sufjan Stevens) an engem DVD-Boxset (Lukas Moodysson) belount an haut wäert ech fir d’alleréischte Kéier eng Bouneschlupp kachen. (Liveblogging? Éier net.) Den Owend gi mer dem Nic säin 20. feieren an hoffentlech fannen ech nach iergendwou de standesgeméisse Baujolais.

Blogathon: Schwaarze Béier um schwaarze Kontinent

Ech haat en onerwaardenen Weekend an den Highlands, dofir kennt main Baitrag méi speid wéi déi aaner.

Den Craigh Cathcart, en Lecturer vu mir, huet behaapt, Angola wier deen zweetstäerkten Maart fir Guinness.

Ass dat wouer?

Guinness ass en irescht Stout, en donkelt, méi battert an cremegt Gedrénks, mat 4-4.5% Alkoholgehalt an enger cremefaarwener Kroun (wousst dir iwwregens dat bei Gedrenks an däer Stäerkt eng Variatioun vun +-.5% dran ass, krass, ne?). Guinness ass déi Zort Béier, déi usech keen dohem drénkt an just an Pub an vun Touristen gedronk gett. D’Grenn dofir sin variabel, engersäits ass Stout wierklech net jhidderengem säint, dohem an Dousen geet einfach Stella (Stella ass hei bekannt als wife-beater a gett nemmen vun fetten ellen Reffsäck an letzebuerger Studenten gedronk) besser wéi alles aaneres, an fir déi Leit déi sech fir Béier interesséiren gett et aaner Leckereien wei Guinness. Trotzdem ass Guinness dee meschtverkaaftenen Alkohol an Irland.

Dat wessen och déi Leit vu Guinness an hun sech zimmlech clever ugestallt. Schon an den 70′er hun, wéi de Grommel festgestallt huet, d’Marketingleit vu Guinness den Prototyp vun engem Irish Pub gebaut, an deem een typescherweis géing Guinness drenken, an déi Pub an Kataloger sou wéi chinesesch Restauranten verkaaft. Deen Franchisekonzept bedreiwt Guinness haut nach, ob deser Sait (an den USA man se dat sait 1992) kann een säin Pubdesign raussichen, an et fennt een suguer eng lescht mat Nimm fir en typeschen ireschen Pub.

Den Michael Power an "Critical Assignment"

An deenen leschten Joeren ass Guinness och hei agebrach. Dofir ass Guinness ob d’Idee komm an aaner Länner ze expandéiren. Guinness wor an Afrika nie onbekannt, 1827 schon gouf et an Afrika Guinness, an spéider gouf do suguer Guinness gebraut. Guinness gehéiert zu Alkoholkonglomerat Diageo déi d’Marketinggiganten vun Satchi&Satchi em Hellef gefrot hun. Satchi&Satchi gleewt un e Konzept namens Lovebrand, Marken déi d’Leit emotional gären hun ouni dat emmer rationell ze begrennen. Beispiller sin do Heinz Baked Beans oder Coca Cola. Et gi Blannstudien déi behaapten, 2/3 vun de Leit huet Pepsi vum Gout hier leiwer och wann 2/3 Coca Cola kafen. An dofir wollt S&S Guinness an Afrika zur Lovebrand man. Dofir hun se en Charakter geschaafen, den Michael Power, en Personnage ouni Alter an Nationalitéit dien einfach sollt den Prototyp vun engem “gudde Mensch” sin. Gefollegt sin Werbespots an denen den Michael Abenteuer erliewt an emmer gewennt, mam Slogan “Guinness brings out the power in you!”. Dobäi gett emmer rem ob d’Idealer oofgesin no denen laut Satchi&Satchi d’Afrikaner sech sehnen wéi Kraaft, Ausdauer, Traditioun, Perséinlechkeet an Iwwerleenheet. Déi Marketingcampagne gouf bis 2006 duerchgezunn an réicht dann oofgeléist. 2003 huet Guinness geplangt 35 Milliounen Euro an den Afro-Marketing ze stiechen.

Dat huet effektiv gezunn. 1/3 vun den Guinnessverkeef sin an Afrika. D‘Top 5 ennert den Guinnessdrenker sin:

1. Great Britain
2. Nigeria
3. Ireland
4. United States
5. Cameroon

Nee. Den zweetgréissen Marché fir Guinness ass net Angola. Mee Nigeria. An dat obgrond vu Marketing. Wien hätt dat geduecht.

Urban Outfitters

Wee mech kennt wees dat ech Kleedungstechnesch net ganz obreegend sin. Ech hun nemmen eng Zort Stremp (Schwaarzer), 2 mol bal dat selwecht puer Schong (Mark Merell, net futti ze kréien), eng Box, en T-Shirt vun iergendengem Concert, driwer eng Fleecejacket, däer hun ech der allerdengs dräi oder véier. Haaptkriterium fir meng Kleederwahl ass: et sollen Saachen sin déi universell sin an net freckt ze kréien sin. Dofir Trekkingschong, an dofir och am léifsten Trekkingboxen. Wéi ech mir virun 2 Joer meng éischt Fjäll Raven Box kaaft hun wor ech verkaaft. Ech hun se säit iwwer 2 Joer baal emmer un, ausser wann et Summer ass oder se an der Wäsch ass, an d’Material hält. Egal ob dat elo ass fir domat ob Lloret ze fueren, an de Bierger klammen ze goen oder lompen ze goen, d’Box mecht net schlapp, mat engem Steck Wuess kann een se suguer temporär imprägnéiren. Mech mecht dat glécklech.

Meng Mamm net (meng Mamm ass déi beschte Fra ob der Welt).

Déi hätt vill léiwer, hiere Fiss géing sech e bessen ‘fashionable’ undoen, mol eng Box déi mer geet an an däer ech net ausgesin wéi e Beschaarbechter. Ech e flotten Plover amplaatz emmer nemmen déi T-Shirt-Fleece-Kombi wier wellkomm (obwuel ech en enormen faible fir Woll/Baamwoll-Ploveren hun). “Jong, doo dech dach mol méi moudesch un.” “Mee Mama, firwat soll ech mir all Joer eng nei Jeans kaafen, wann d’FJ-Boxen véier oder fennef Joer haalen.” “Jhiddereen mengt mir géingen dir keng Kleeder kaafen.” “Ach Mama” oder ähnlech ass den Dialog dohem. Dofir wor et och schon eng Erliichterung fir meng Mamm, wéi d’Sarah mech zu Oxford dozou krut, eng Jeans an en Hoodie ze kaafen, meng Mamm well lo wahrscheinlech dat ech d’Sarah bestueden.

Mee elo Mama, kann ech dech erliichteren an berouegen! Ech wor zu Glasgow am Urban Outfitters. Urban Outfitters ass e Kleederbuttek (haaptsächlech) dien alles fir den modernen Independant/Alternativ-Jong/Meedchen vun haut huet, sief et ATARI T-Shirts oder Salopetten oder sonsteg Retro-Trendy-Hip-Kitschy-Produiten. An lo rood emol wat Urban Outfitters säit neistem verkeeft? Fjäll Raven Boxen a Jacketen. Mamm, meng Kleeder sin elo trendy!

Diskussiounen

Nodeem s ech all d’Referenzen a méngem englesch Literatur Essay gefléckt hat, an dee sou gutt wéi fäerdeg war, hunn ech mer geduecht: “bon, et ass lo 12 Auer, ‘t ass Freideg Owend, soss keen doheem, géi cheesy poppen, verdammt na mol!” Dacht er, und tat es.

Nodeem ech mäin T-Shirt gewiesselt hat, hunn ech mech direkt op de Wee gema, a war dunn och kuerz no 10 op 12 dobannen. Ech wousst, dass kaum een do si géif, wéinst der Essayszäit, mee war awer schockéiert, dass ech guer kee kannt hunn. Also stoung um Plang fir mech: e Pintchen kippen, währenddeem e bëssen danzen, an duerno heem. Dat alles natierlech alleng. Während ech dunn um Danze war huet mech e Meedchen bei sech gewonk. Ech war begeeschtert, awer een dee mech kennt!

Meedchen: you’re a first year medic!
Ech: uuumm….
M: I met you yesterday at the introduction thing!
E: Well…
M: You were sooooooo drunk!
E: ….
M: Can’t you remember? We met at Deep 6!
E: Well, actually I went to cinema yesterday…
M: Are you not doing medecine?
E: No.
M: Oooooh, I’m so sooorry!
E: Nevermind, nice to meet you anyway.

A ween denkt do kéint ech keng dropsetzen, iert sech! Op méngem Wee fir heem, deen ech knapps fënnef Minute méi spéit ugetruede sinn, ass mer e schwéier otmenden, schunkelnden jonken Här vun der Bibliothéik aus entgéint gelaf komm an huet geruff: “Mate, wait for me!”

Tipp: You’re going to the GU?
Ech: No, I’m going home.
T: Oh, already?
E: Yeah…
T: I’m pretty fucked already…
E: Why were you running?
T: I came from the GU.
E: So why were you running, aren’t you going back there?
T: No, I was at the QM just now.
E: Oh, okay.
T: Where do you live?
E: Gibson Street.
T: What year are you in?
E: Second.
T: Guess what year I’m in!
E: Second, as well?
T: (weist eng 1 mat séngem Fanger.)
E: So, you live in Murano, I guess?
T: Yeah, did you live there too?

An du krut en eng SMS a mer hunn eis just nach äddi gewonk, wéi ech op der Kräizung an eng aner Richtung gaang sinn. Mee op alle Fall huet sech den Owend dunn awer dach gelount.